طير ياللي بك شبه من قصتــــــــــــــي
بالقفص وآنا أسير اهدابهــــــــــــــــــا
قيدتني بحبها وش حيلتـــــــــــــــي
في طريقي طحت انا باشباكهـــــــــــــا
كنت افكر هالمواقف لعبتـــــــــــــــــي
جيتها العب ماهقيت ابلابهـــــــــــــا
بالهوى يمكن قليله خبرتـــــــــــــــي
ليه انا حدّ الجنون اشقابهـــــــــــــــا
كنت احسّب اني شجاع بدنيتـــــــــي
الهزيمه..لا ولا مارضابهــــــــــــــــا
الشجاعه والصبر من عادتــــــــــــــي
انتصر والا الحياه شابغابهــــــــــــــا
من خيالي صرت خايف حسرتـــــــي
للحياة وللظروف اسبابهــــــــــــــــا
غيّرت ذاك الشعور ونظرتــــــــــــــي
خوّفتني لعنبوا من جابهــــــــــــــــا
اهزمتني..جيت رافع رايتــــــــــــي
جيتها واسمع نعيق اغرابهــــــــــــا
آه انا ياهمّ قلبي وحيرتــــــــــــــــي
ويش جابن يمها وش جابهــــــــــــا
ياعذابي جرحها في مهجتــــــــــــي
سكرت دنياي دوني بابهــــــــــــــا
في شعوري ماتحس ولهفتــــــــــــي
لو أغيب ولو يطول اغيابهــــــــــــــا
لجلها كني وحيد بغربتـــــــــــــــي
لو انا بارضه وادوس اترابهــــــــــــا
مهما اضحّي ماتقدر وقفتـــــــــــــي
تذبحك.. لو كنت اعز احبابهــــــــا
ليت كلمها أبوها يـابّنتــــــــــــــي
الله كاتب هالحياه نحيابهــــــــــــا
ذكرن وقت الشباب ابحالتـــــــــــي
يوم سهم الحب روحي صابهـــــــــا
فكي اسّره طالبك ياعزوتـــــــــــــي
حالته صعبه.. أبوك ادرابهــــــــــا
ماتلين وقلبها ماضنتـــــــــــــــــــي
ماتخيّل هالشعور انتابهـــــــــــــــا
هذا انا ياطير...هذي قصتـــــــــــي
قال انا مثلك أسير اهدابهـــــــــــــا
الأربعاء 19 أغسطس - 6:03