السلام عليكم ورحمة الله وبركاته
اقدم لكم موضوعي الحصري
والذي يتكلم عن
القطط
يعتبر القط أي ما يقال ب لغتنا العامية (البسة) من الحيوانات الاليفة وهي تحب ان تلعب وتمرح كثييييير وممكن انو يوصل عمر البسة او القطة لحد 20 سنة و من الطبيعي انو القطة تعيش 15 سنة او هيك شي....
و مدة حمل القطة تقريبا حوالي 60-65 يوم وبتولد البسة حوالي من 3-9 قطط...و القطة قبل ما تولد لازم تلاقي مكان امن و بعيد عن الناس لانها بتخاف ع اولادها كتير و البسة كتير نظيفة لانها بتنظف اولادها منيح بعد الولادة ...و لازم ما نعطيهم نفس الوجبة دايما لازم يكون في عنا تنويع و نشكللهم ومش مهم لو اعطيناهم من اكل البيت
وممكن انو نستخدم الرمل العادي او الصحي و لازم انو ندرب البسس انها تقدر تستخدم الرمل و من هم عمرهم 5 او 6 أسابيع وبعدين بتعودوا انهم يستخدموه بكل سهولة...
ومتل ما حكينا انو البسة بتحب النظافة كتييييير وهي بتضل تنضف حالها لما تلحس جسما وتشيل الشعر الزيادة عنو ولازم نمشط ل البسة مشان نرتبلها شعرها ولازم اغسل البسة مرة ب الاسبوع و لازم نغسلها بشامبو خاص مش أي نوع شامبو لانو النوع العادي ممكن يخلي شعرها يتساقط...
و هلا بدي اعطيكم اكمن نصيحة مشان تهتموا ب القطط منيح:
اول شي لازم نشتريلهم علبة منيحة مشان نحطلهم اكل فيها و الاحسن انها تكون من النحاس
و الاحسن ما نطعميهم تونة لانها بتعملهم حساسية
و ما بفضل انو البس سالي عمرهم اكتر من 6 شهور يشربو حليب لانو بسببلهم توعك في المعدة
في الختام .. لكم مني أحلى تحية ..